Makiej: Dobra ES, ale čamu maŭčać ZŠA, kali palaki ździekujucca ź ich chaŭruśnikaŭ kurdaŭ?
Ministr zamiežnych spraŭ Biełarusi Uładzimir Makiej, jaki znachodzicca ź vizitam u Maskvie, prakamientavaŭ situacyju ź biežancami na biełaruska-polskaj miažy.
«Nu dobra, Polšča — kraina ES. Ale zusim niezrazumiełaja maŭklivaja pazicyja ZŠA, jakija spakojna nazirajuć, jak palaki ździekujucca z adnaho ź ich hałoŭnych chaŭruśnikaŭ — kurdaŭ. Bo bolšaść biežancaŭ siońnia na biełaruska-polskaj miažy — kurdy. I zusim niadaŭna, litaralna ŭ vieraśni, prezident ZŠA Džo Bajden zajaŭlaŭ, što nie kinie, cytuju, «najbližejšych sajuźnikaŭ Zachadu ŭ Siryi, jak heta zrabiŭ z Afhanistanam». Pa-mojmu, na ŭschod Siryi navat nakiroŭvaŭsia vysokapastaŭleny pradstaŭnik Ministerstva abarony ZŠA, kab dać asabistyja zapeŭnivańni kurdam», — ukazaŭ Uładzimir Makiej.