Interpał vyklučyŭ z bazy danych biełarusa Makaryja Małachoŭskaha, jakoha zatrymlivali ŭ Polščy
12 vieraśnia 2021 hoda Makaryj Małachoŭski byŭ zatrymany supracoŭnikami polskaj palicyi pa zapycie prakuratury Biełarusi. Na nastupny dzień jon byŭ vyzvaleny z-pad varty, pakolki raspačataja suprać jaho kryminalnaja sprava palityčna matyvavanaja. Makaryj jašče čakaje kančatkovaha rašeńnia polskich uładaŭ pa pracesie ekstradycyi, ale Aleś Michalevič atrymaŭ list ad hienieralnaha sakrataryjata interpoła, jakoje paćviardžaje vydaleńnie danych Makaryja z bazy mižnarodnaha vyšuku.
Nahadajem, Makaryju Małachoŭskamu 26 hadoŭ, jon rodam z Haradzišča Minskaha rajona. Syn śviatara Andreja Małachoŭskaha, kliryka Śviata-Jelisaviecinskaha manastyra ŭ Minsku. U Biełarusi na jaho zaviali kryminalnuju spravu za nibyta najezd na supracoŭnika DPS, jaki adbyŭsia 13 žniŭnia 2020 hoda na praśpiekcie Niezaležnaści. Jon abvinavačvajecca pa 364 art. KK RB (Hvałt abo pahroza hvałtu ŭ dačyńni da supracoŭnika orhanaŭ unutranych spraŭ).
Zatrymali Małachoŭskaha 12 vieraśnia ŭ pryharadzie Varšavy. Ale amal adrazu ž jaho adpuścili.
«Pryjšła palicyja, z nahody nibyta hučnaj muzyki, dalej pravierka dakumientaŭ, pravieryli na svaich pryładach, a potym u kajdanki i ŭ pastarunak», — patłumačyli nam znajomyja, potym stała viadoma, što da jaho pryjšli, bo jon byŭ u bazie interpoła.