Pa zapycie biełaruskaj prakuratury ŭ Polščy zatrymali biełarusa. Jaho vinavaciać u nibyta najeździe na supracoŭnika DAI
Makaryju Małachoŭskamu 26 hadoŭ, rodam z Haradzišča Minskaha rajona. Jon syn śviatara Andreja Małachoŭskaha, kliryka Śviata-Jelisaviecinskaha manastyra ŭ Minsku. Jak patłumačyli «Našaj Nivie» blizkija chłopca, u Biełarusi na jaho zaviali kryminalnuju spravu za nibyta najezd na supracoŭnika DPS, jaki adbyŭsia 13 žniŭnia 2020 hoda na praśpiekcie Niezaležnaści. Jon abvinavačvajecca pa 364 art. KK RB (Hvałt abo pahroza hvałtu ŭ dačyńni da supracoŭnika orhanaŭ unutranych spraŭ).
Tady ludzi vyjšli na praśpiekt, mašyny spynilisia.
Videa- ci fotaśviedčańniaŭ najezdaŭ na supracoŭnikaŭ u hety dzień u tym rajonie nie fiksavałasia. Ale ŭ archivach internetu jość videazapis z kancom kanfliktu ŭ trochu inšym rajonie praśpiekta, dzie čałavieka z doŭhimi, sabranymi ŭ pučok vałasami, vyvodziać z mašyny — kab dastać jaho adtul, u mašynu raspylili haz.
Heta byŭ Małachoŭski. Chłopca adpravili na Akreścina i vypuścili ŭ ramkach ahulnaj chvali vypuskaŭ — jon prabyŭ tam try dni. Praz paru dzion paśla vychadu jon vyjechaŭ u Polšču.
Zatrymali Małachoŭskaha 12 vieraśnia ŭ pryharadzie Varšavy.
«Pryjšła palicyja, z nahody nibyta hučnaj muzyki, dalej pravierka dakumientaŭ, pravieryli na svaich pryładach, a potym u kajdanki i ŭ pastarunak», — patłumačyli nam znajomyja, potym stała viadoma, što da jaho pryjšli, bo jon byŭ u bazie Interpała.
Ciapier chłopiec u polskaj prakuratury. Pakul jon zatrymany na termin da 45 sutak.
Jaho zatrymańnie, imavierna, adbyłosia ŭ miežach mižnarodnaj damovy ab pravavoj dapamozie, zaklučanaj miž Biełaruśsiu i Polščaj.
Ale fakt zatrymańnia nie kaža pra toje, što Małachoŭskaha vydaduć — napieradzie doŭhaja pracedura z mahčymaściu abskardžvańnia.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary