«Vielmi prašu, praciahvajcie pracu dziela biełaruskaj kultury» — Fiaduta z turmy
Palitviazień Alaksandr Fiaduta ŭ pryvatnym liście vykłaŭ pasył, adrasavany ŭsiamu hramadstvu.
«Nie nadta dobra jon pačuvajecca, dy i zasmučany viestkami pra śmierć Adama Maldzisa i Vasila Šaranhoviča. Adnak starajecca nie padać ducham i nas padtrymlivaje. Voś što prasiŭ usim dobrym i nieabyjakavym ludziam pieradać:
«Usio možna zrabić — nielha źviarnuć čas. Tamu praciahvajcie pracu dziela biełaruskaj kultury. Jakaja jana jość — savietyzavanaja, słabaja, niedarečnaja — ale ž naša. Kali my nie budziem ab joj kłapacicca, chto pakłapocicca? A kali jana zhinie, zahiniem i my — jak nacyja».