Žonka Fiaduty prakamientavała rašeńnie muža nie prymać tabletki na pratest suprać abmiežavańniaŭ u listavańni
Siońnia stała viadoma, što ŭ Alaksandra Fiaduty dyjahnastavali vostruju sardečnuju niedastatkovaść: na Vaładarcy ŭ jaho zdaryŭsia prystup stenakardyi i arytmii. Pry hetym palitołah, zatrymany u miežach spravy pa «zamachu» na Łukašenku i členaŭ jaho siamji, admoviŭsia prymać tabletki na pratest suprać abmiežavańniaŭ u listavańni z rodnymi. Bieź ich u mužčyny moža zdarycca infarkt.
Raspytali žonku Marynu Šybko pra toje, što jašče joj viadoma pra stan muža.
«Ja daviedałasia ad advakata, što AIF (Alaksandr Iosifavič Fiaduta — Zaŭv. red) nie pje tabletki ŭžo z 20 śniežnia. A ŭ jaho ceły bukiet zachvorvańniaŭ, u tym liku sardečnaja niedastatkovaść. Jašče kali jon utrymlivaŭsia raniej u «amierykancy», jaho abśledavali tam i vynajšli mihacielnuju arytmiju», — raskazała Maryna Šybko.
Pry hetym advakat viaźnia pakul u adjeździe, tamu žančyna dasłała mužu list, dzie prosić spynić miedycynskuju zabastoŭku.
«Napisała ŭ liście, kab jon pačaŭ prymać miedykamienty. Skazała, što heta duraść i tak horš tolki nam. Budu spadziavacca, što jon pračytaŭ jaho. Tamu što samoj mnie apošni list ad jaho pryjšoŭ 15 śniežnia. Vielmi za jaho pieražyvaju».
Nahadajem, Alaksandra Fiadutu zatrymali 12 krasavika ŭ Maskvie. Jon razam z Ryhoram Kastusiovym i Jurasiom Ziankovičam źjaŭlajecca fihurantam kryminalnaj spravy ab «zmovie z metaj zachopu ŭłady niekanstytucyjnym šlacham».
Čytajcie taksama:
«Doktar paćvierdziŭ rak». Jakija naviny ŭ spravie zatrymanych pa «zamachu» na Łukašenku?
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary