Łatvija zajaviła, što nijaki ichni samalot nie zalataŭ u Biełaruś
U Łatvii zajavili, što ich samalot An-2 nie parušaŭ pavietranuju prastoru Biełarusi. Pry hetym łatvijski bok nie hałasłoŭny, jon spasyłajecca na GPS-sihnał z samalota. Śćviardžajecca, što mašyna ździajśniała zapłanavany palot uzdoŭž miažy, adsočvajučy jaje parušalnikaŭ. Apublikavany i maršrut samalota.
Maršrut palotu samalota ŭzdoŭž miažy ź Biełaruśsiu. Fota: twitter.com/Latvijas_armija
U aŭtorak Dziaržaŭny pamiežny kamitet Biełarusi paviedamiŭ, što pavietranuju prastoru našaj krainy parušyŭ samalot An-2, jaki, maŭlaŭ, zalacieŭ z Łatvii «na hłybiniu 300 mietraŭ» i viarnuŭsia nazad. Pres-słužba łatvijskaha vojska zaklikaje stavicca da infarmacyi ŭładaŭ Biełarusi krytyčna.
Apošnim časam biełaruskija pamiežniki paviedamlajuć pra vypadki pavietranych parušeńniaŭ miažy rehularna. Tak, 4 śniežnia 2021 hoda ŭkrainski viertalot nibyta zalacieŭ na terytoryju Biełarusi ŭ rajonie punkta propusku «Novaja Rudnia», a 24 studzienia biahučaha hoda zafiksavany fakt parušeńnia miažy ŭ rajonie vioski Chmielišča Małaryckaha rajona ŭkrainskim bieśpiłotnym latalnym aparatam.
Jak praviła, paśla pravierki incydentaŭ da pradstaŭlenych dokazaŭ ekśpierty majuć sumnievy, jak heta było ź niadaŭnim ukrainskim bieśpiłotnikam.