Minabarony abvierhła paviedamleńni ab udziele biełaruskich desantnikaŭ u apieracyi va Ukrainie
Minabarony abvierhła šmatlikija paviedamleńni ŭkrainskich ŚMI ab udziele biełaruskich desantnikaŭ u rasijskim ŭvarvańni va Ukrainu. Adpaviednuju zajavu viedamstva apublikavała 6 sakavika ŭ svaim telehram-kanale.
U pres-relizie Minabarony pieraličyła fejki, jakija niekalki dzion cyrkulavali ŭ siecivie: nibyta biełaruskich desantnikaŭ bačyli pad Žytomiram i Charkavam, što jany zdavalisia ŭ pałon pad Kijevam, abviaščali pra bunty, razam z kałonaj z 300 tankaŭ vajavali pad Čarnihavam.
«Desantniki, jak i ŭsie Uzbrojenyja siły, jakija znachodziacca ŭ Biełarusi i vykonvajuć zadačy ŭ adpaviednaści z zadačaj, pastaŭlenaj Łukašenkam», — padkreślili ŭ viedamstvie.
Nahadajem, raniej paviedamleńni ab udziele biełaruskich vajskoŭcaŭ abviarhali ŭ ofisie prezidenta Ukrainy Uładzimira Zialenskaha.