Brytanskaja raźviedka: rasijskaja armija sprabuje akružyć ukrainskija siły
Rasijskija vojski sprabujuć uziać ukrainskija ŭzbrojenyja siły ŭ akružeńnie, miarkuje brytanskaja vajennaja raźviedka. Pra heta paviedamlaje Bi-bi-si.
Hałoŭny ofis brytanskaj Sakretnaj raźviedvalnaj słužby ŭ Łondanie. Fota: Vikipiedyja.
Padčas čarhovaha štodzionnaha ahladu raźvieddadzienych brytanski ministr abarony paviedamiŭ, što rasijskija vojski sprabujuć akružyć praciŭnika na ŭschodzie krainy, prasoŭvajučysia z boku Charkava na poŭnačy i Maryupala na poŭdni.
«Rasijskija siły, jakija ruchajucca z boku Kryma sprabujuć akružyć Mikałajeŭ, ruchajučysia, vidać, na zachad u napramku Adesy», — dadaŭ ministr.
U svaju čarhu, rasijskaje Minabarony zajaviła ranicaj u niadzielu, što za minułyja sutki vojski prasunulisia na ŭkrainskaj terytoryi na hłybiniu da 14 km.