U Minsku pačaŭ pracu novy pastajanny pradstaŭnik Suśvietnaha banka
U Minsku pačaŭ pracu novy stały pradstaŭnik Suśvietnaha banka (SB) u Respublicy Biełaruś Ivan Vieleŭ.
U Minsku pačaŭ pracu novy stały pradstaŭnik Suśvietnaha banka (SB) u Respublicy Biełaruś Ivan Vieleŭ.
Jak paviedamili ŭ pradstaŭnictvie SB, «hetaje pryznačeńnie źviazana z pašyreńniem supracoŭnictva pamiž hrupaj Suśvietnaha banka i Respublikaj Biełaruś».
Hramadzianin Bałharyi Ivan Vieleŭ pracuje ŭ Suśvietnym banku z 1997 hoda na roznych pasadach u rehijonach Jeŭropy i Centralnaj Azii, Uschodniaj Azii, Afryki. Zajmajecca pytańniami karparatyŭnaj stratehii, raźvićcia dziaržaŭnaha siektara, infrastruktury.
Da pryznačeńnia na pasadu stałaha pradstaŭnika SB u Biełarusi Vieleŭ pracavaŭ u rehijanalnym pradstaŭnictvie banka pa Ukrainie, Biełarusi i Małdovie ŭ Kijevie, dzie kaardynavaŭ dziejnaść SB u halinie refarmavańnia siektara dziaržkiravańnia i raźvićcia infrastruktury troch krain.
Ivan Vieleŭ uznačalvaje pracu, što pravodzicca ŭ hety čas, pa padrychtoŭcy pramiežkavaj spravazdačy ab chodzie realizacyi stratehii supracoŭnictva SB ź Biełaruśsiu.
Vieleŭ atrymaŭ stupień doktara ekanamičnych navuk u Sirakuzskim univiersitecie (ZŠA) i mahistra navuk pa śpiecyjalnaści «mižnarodnyja adnosiny i prava» ŭ Maskoŭskim univiersitecie mižnarodnych adnosinaŭ. Žanaty, maje syna.
Ź vieraśnia 2006 hoda na pasadzie stałaha pradstaŭnika SB u Biełarusi pracavaŭ Krejh Bieł.