Kampanija Siemens sychodzić z Rasii
Raniej kampanija prypyniła raźvićcio novych prajektaŭ i pastavak u krainu, a ciapier vyrašyła zharnuć usiu dziejnaść z-za vajny va Ukrainie.
Akramia bytavoj techniki i elektroniki, Siemens vyrablała elektryčki «Łastaŭka» i hruzavyja elektravozy, absłuhoŭvała ciahniki «Sapsan». Taksama ŭ RF pradstaŭlenaja enierhietyčnaja kampanija Siemens Energy.
«My asudžajem vajnu va Ukrainie i vyrašyli pravieści sparadkavany praces, kab zharnuć našu pramysłovuju dziejnaść u Rasii. Heta było niaprostym rašeńniem, uličvajučy naš abaviazak kłapacicca pra našych supracoŭnikaŭ i daŭnija adnosiny z klijentami na rynku, na jakim my pracujem užo amal 170 hadoŭ», — zajaviŭ kiraŭnik kampanii Rołand Buš.