Rasijskija ŭłady źbirajucca ekstradziravać Janu Pinčuk u Biełaruś, dzie jaje čakaje vialiki termin źniavoleńnia
Dniami Cmolninski rajonny sud Sankt-Pieciarburha razhledzieŭ pazoŭ da miascovaha departamienta palicyi, jaki admoviŭ biełaruscy Janie Pinčuk u nadańni časovaha prytułku ŭ Rasii.
Dziaŭčyna prasiła pryznać niezakonnym rašeńnie ŭ admovie atrymańnia joj takoha statusu.
Sud jaje dovady nie padtrymaŭ. Zaraz buduć apielacyi.
«Spačatku ŭ haradski sud, potym u apielacyjny sud. I tolki kali abiedźvie instancyi pakinuć u sile pastanovu Hienprakuratury ab ekstradycyi, Janu ekstradujuć» — skazała jaje advakat Maryja Bialajeva.
Pa słovach advakata, pasiadžeńnie ŭ haradskim sudzie pačniecca 1 červienia.
Dziaŭčyna znachodzicca za kratami ŭžo 7 miesiacaŭ. U Biełarusi Janu abvinavačvajuć pavodle piaci artykułaŭ Kryminalnaha kodeksa za administravańnie telehram-čata «Viciebsk 97%», pryznanaha ŭładami ekstremisckim.
Joj pahražaje da 20 hadoŭ pazbaŭleńnia voli.