Łukašenka paabiacaŭ zaniacca pytańniem školnaj formy
Padčas naviedvańnia ahrakambinata «Jubilejny» Łukašenka ŭźniaŭ pytańnie školnaj formy.
«Abaviazkova zajmusia hetym pytańniem. Dastupnaść, cana. Abiacaju, što nichto tam na kišeniu pracavać nie budzie», — paabiacaŭ jon, adkazvajučy na pytańni rabotnikaŭ ahrakambinata, piša BiełTA.
Jon taksama źviarnuŭ uvahu na asartymient: «Pavinna być masa raznastajnaści. Nie treba zahaniać dziaciej u niejkuju vuzkuju prastoru. Hetaja raznastajnaść pavinna być dastatkovaj».
Pra toje, što ŭ škołach z 2023 hoda budzie ŭviedzienaja školnaja forma, stała viadoma na minułym tydni. Paviedamlajecca, što ŭ kožnaj škole jana budzie svaja.