Niamiecki ministr zajaviła, što «nie dazvolić Pucinu zabrać Čechava»
Bajkot usioj ruskaj kultury źjaŭlajecca «zusim niapravilnym», u hramadstvie viaducca dyskusii z hetaj nahody, adnak ruskija mastaki niaredka sprabujuć zachavać «apošniuju prastoru svabody», zajaviła dziaržaŭny ministr, fiederalny ŭpaŭnavažany pa kultury i srodkach masavaj infarmacyi Kłaŭdyja Rot u intervju Augsburger Allgemeine Zeitung.
«Takaja vialikaja ruskaja kultura, ci heta muzyka, ci heta litaratura, ci Anton Čechaŭ. Ja nie dazvolu Pucinu zabrać u mianie Čechava!» — skazała jana.
Rot nahadała, što niadaŭna ŭ ziamli Paŭnočny Rejn-Viestfalija zabaranili moładzievamu arkiestru hrać muzyku kampazitara Piatra Čajkoŭskaha. Jak pisała hazieta Kölner Stadt-Anzeiger, pad zabaronaj dla publičnych repietycyj kancerta akazalisia 2-ja i 3-ja simfonii ruskaha kampazitara, takoje rašeńnie pryniaŭ mer Lindłara Hieorh Ludvih.
Paśla pačatku ahresiŭnaj vajny Rasii suprać Ukrainy i šerahu vajennych złačynstvaŭ Rasii niekatoryja dziejačy kultury sutyknulisia z admienaj svaich vystupaŭ ci admovami ad supracoŭnictva.