Mininfarm błakuje sajty za spasyłki na «ekstremisckija» materyjały, ale sam raspaŭsiudžvaje zabaronieny kantent
Siońnia byŭ zabłakavany sajt čarhovaha biełaruskaha ŚMI — haziety «Biełarusy i rynak». Mininfarm abvinavaciŭ vydańnie ŭ publikacyi spasyłak na materyjały, pryznanyja ŭ Biełarusi «ekstremisckimi». Žurnalisty Reform.by znajšli dla Mininfarma padstavy zabłakavać samich siabie pa toj ža pryčynie.
U Biełarusi paśla vybaraŭ 2020 hoda zabłakavali ŭsie niezaležnyja hramadska-palityčnyja miedyja, materyjały bolšaści ź ich pryznanyja «ekstremisckimi», a niekatoryja redakcyi stali «ekstremisckimi farmavańniami».
Redakcyja Reform.by, adznačaje, što nieadnarazova sprabavała daviedacca ad uładaŭ pryčyny błakiroŭki svajho sajta (materyjały jakoha nie pryznanyja «ekstremisckimi»), atrymlivała adkazy i vydalała spasyłki na «zabaronieny» kantent, ale paśla pierastała heta rabić z-za biessensoŭnaści spravy.
U toj ža čas žurnalisty znajšli na sajcie mininform.gov.by dziasiatki publikacyj z «ekstremisckimi» hipierspasyłkami.