Litoŭskija mytniki znajšli ŭ fury ź Biełarusi cyharetnuju kantrabandu na 1,8 miljona jeŭra
Na biełaruska-litoŭskaj miažy była zatrymanaja fura, jakaja pieravoziła kantrabandnyja cyharety. Jak paviedamlaje litoŭskaja mytnia, mašyna z kantrabandaj prybyła ŭ subotu, 30 lipienia, u Mižnarodny punkt propusku Rajhardas (ź biełaruskaha boku — Pryvałka).
Pavodle dakumientaŭ, fura, jakaja jechała pa dakumientach tranzitam z Kazachstana ŭ Hiermaniju, viezła 14,4 tony viermikulitu — heta minierał, jaki vykarystoŭvajecca dla pavyšeńnia ŭradlivaści hleby. Ale paśla pravierki mašyny z dapamohaj renthiena mytniki znajšli pad pakietami viermikulitu mnostva karobak z kantrabandnymi biełaruskimi cyharetami.
Kiroŭcu hruzavika aryštavali na 2 miesiacy.