Kolkaść zahinułych u vyniku ŭčorašnich udaraŭ pa Charkavie vyrasła da 21
U Charkavie, druhim pa vieličyni horadzie Ukrainy, u vyniku rasijskich udaraŭ pa dvuch internatach 17 i 18 žniŭnia zahinuŭ 21 čałaviek, 44 atrymali ranieńni. Siarod zahinułych — chłopčyk 2009 hoda naradžeńnia.
Nastupstvy abstrełu Słabadskoha rajona
Upraŭleńnie pa nadzvyčajnych situacyjach Charkaŭskaj vobłaści paviedamiła, što pošukava-ratavalnyja pracy ŭ budynku internataŭ u Słabadskim i Sałtaŭskim rajonach Charkava zavieršanyja, pad zavałami nikoha nie zastałosia.
U piatnicu, 19 žniŭnia, u Charkavie abvieščanaja žałoba ŭ pamiać ab zahinułych u vyniku masiravanych rakietnych udaraŭ.