Minpram užo nie spadziajecca impartazamiaścić usio dy kaža, što i nie choča
9 vieraśnia pamočnik ministra pramysłovaści Vital Barčuk na mižnarodnym forumie ekanamičnaha supracoŭnictva, jaki prajšoŭ u Nacyjanalnaj biblijatecy, raskazaŭ pra pierśpiektyvy biełaruskaha impartazamiaščeńnia.
Pavodle acenki Minprama, bolšuju častku tavaraŭ pramiežkavaha popytu — zapčastak, kampanientaŭ — u mašynabudavańni možna vyrablać siłami ajčynnych pradpryjemstvaŭ. Uzrovień łakalizacyi ŭ halinie ŭžo, maŭlaŭ, dasiahnuŭ 68%.
Adnak na ŭzroŭni dyrektarata kampanij i ŭ ministerstvie jość razumieńnie, što
«impartazamiaścić usio raptoŭna nie atrymajecca, dy i nie treba»: heta doraha, i ŭ vysokatechnałahičnych halinach nie daść stanoŭčaha ekanamičnaha efiektu.
Tamu vyrašana, što impartazamiaščacca na 100% pradpryjemstvy buduć tam, dzie staić pytańnie nacyjanalnaj biaśpieki. Jak praviła, heta tyčycca impartu z «niedružalubnych» krain, udakładniŭ Barčuk.