Ministerstva achovy zdaroŭja: Stan paciarpiełych pry vybuchu kvatery ŭ Minsku ciažki, dzicia padklučana da aparata ŠVŁ
Stan paciarpiełych pry vybuchu kvatery ŭ Minsku ciažki, dzicia padklučana da aparata ŠVŁ, paviedamiła BiełTA pres-sakratar Ministerstva achovy zdaroŭja Julija Baradun.
«Ciapier usie paciarpiełyja znachodziacca ŭ reanimacyi. Stan usich ciažki, dzicia padklučana da aparata ŠVŁ. Daktary robiać usio mahčymaje dla stabilizacyi ich stanu. Papiarednie, usie paciarpiełyja atručany praduktami hareńnia, majuć termainhalacyjnyja traŭmy, apioki», — raskazała Julija Baradun.
Siońnia nočču ŭ žyłym domie na bulvary Šaŭčenki ŭ Minsku adbyŭsia vybuch i pažar. Zahinuli 6 čałaviek. Troje čałaviek było špitalizavana.