BIEŁ Ł RUS

Čverć žycharoŭ Litvy — za toje, kab kuplać elektraenierhiju ŭ Biełarusi

22.12.2022 / 20:22

Nashaniva.com

25% žycharoŭ Litvy chacieli b kuplać elektraenierhiju ŭ Biełarusi, u toj čas jak amal pałova (47%) litoŭcaŭ — suprać hetaha, navat kali ŭ vyniku takoha kroku źmienšacca ceny na pasłuhi. Heta pakazała apytańnie, praviedzienaje pa zamovie Jeŭrapiejskaha instytuta zdaroŭja i ŭstojlivaha raźvićcia kampanijaj Spinter tyrimai, piša Delfi.

Biełaruskaja AES pad Astraŭcom

Nie zmahli vyznačycca z tym, varta kuplać enierhietyčnyja resursy ŭ Rasii i Biełarusi ci nie, 28% apytanych.

Za supracoŭnictva ź Biełaruśsiu ŭ enierhietyčnaj śfiery čaściej vykazvalisia mužčyny, ludzi siaredniaha i starejšaha ŭzrostu, respandenty ź mienšymi dachodami, žychary rajonnych centraŭ i sielskaj miascovaści.

Suprać vystupali respandenty va ŭzroście 26-35 hadoŭ, jakija majuć vyšejšuju adukacyju, bolš vysokija dachody i jakija žyvuć u bujnych haradach.

U apytańni, praviedzienym 18—28 kastryčnika, udzielničali žychary krainy, jakim 18—75 hadoŭ. Było apytana 1 009 respandentaŭ, prymianiaŭsia mietad kvotnaha adboru.

Čytajcie taksama:

Kamientary da artykuła