Niamieckija vytvorcy: Pieradać Ukrainie tanki Leopard možna chiba tolki praz hod
Pieradać Ukrainie tanki Leopard z Hiermanii nie atrymajecca raniej nastupnaha hoda, navat kali rašeńnie pra ich pastaŭki budzie pryniata «zaŭtra», zajaviŭ kiraŭnik niamieckaha vytvorcy ŭzbrajeńniaŭ kancerna Rheinmetall Armin Papierhier, piša Deutsche Welle.
Tanki Leopard. Fota: Wikimedia Commons
Adkazvajučy na pytańnie, kolki tankaŭ Hiermanija moža dać Ukrainie, Papierhier raskazaŭ, što ŭ FRH jość 22 bajavyja broniemašyny Leopard 2, jakija možna padrychtavać i adpravić va Ukrainu.
«U nas zastałosia kala 88 mašyn Leopard 1. Ale my nie možam adramantavać hetyja tanki biez zamovy, bo vydatki składajuć niekalki sotniaŭ miljonaŭ jeŭra», — zajaviŭ kiraŭnik Rheinmetall.
«Navat kali zaŭtra budzie pryniata rašeńnie pra toje, što my možam adpravić našy tanki Leopard u Kijeŭ, pastaŭka praciahniecca da pačatku nastupnaha hoda», — skazaŭ jon, patłumačyŭšy, što dla padrychtoŭki da bajavych dziejańniaŭ tanki budzie nieabchodna całkam razabrać i sabrać nanoŭ.