Ułady Polščy pryhrazili «identyčnaj reakcyjaj» u adkaz na ŭviedzienyja Biełaruśsiu abmiežavańni dla pieravozčykaŭ
U adkaz na uviedzienaje Biełaruśsiu ŭviečary 17 lutaha abmiežavańnie ŭjezdu dla polskich pieravozčykaŭ u Polščy paabiacali pryniać anałahičnyja miery.
Pra heta zajaviŭ ministr unutranych spraŭ i administracyi Polščy Maryjuš Kamiński.
«Kali ŭłady Biełarusi prymieniać u dačynieńni da polskich pieravozčykaŭ abvieščanyja abmiežavańni, reakcyja Polščy ŭ dačynieńni da biełaruskich pieravozčykaŭ budzie identyčnaj», — napisaŭ Kamiński ŭ tvitary ŭviečary ŭ piatnicu.
Raniej stała viadoma, što zarehistravanyja ŭ Polščy hruzavyja aŭtamabili i ciahačy ciapier zmohuć ujazdžać na terytoryju Biełarusi (dla pierahruzki abo pieračepki na bližejšych placoŭkach, dalej im jechać usio roŭna nielha) tolki praz polska-biełaruski ŭčastak miažy — ujazdžać ź Litvy ci Łatvii im budzie zabaroniena. Takim čynam, kali anałahičnyja abmiežavańni ŭviadzie Polšča, to biełaruskija hruzaviki taksama nie zmohuć ujazdžać u Polšču praź Litvu ci Łatviju.