Pamior piśmieńnik Fransiska Ajała
U Madrydzie va ŭzroście 103 hadoŭ pamior ispanski piśmieńnik Fransiska Ajała.
U Madrydzie va ŭzroście 103 hadoŭ pamior ispanski piśmieńnik Fransiska Ajała.
Ajała naradziŭsia ŭ Hranadzie, ale va ŭzroście 18 hadoŭ pryjechaŭ u Madryd, kab vučycca pravu, fiłasofii i litaratury.
U 1925 hodzie jon apublikavaŭ svoj pieršy raman, i z tych časoŭ staŭ adnym ź viadučych piśmieńnikaŭ Ispanii. U pieryjad Hramadzianskaj vajny 1936‑39 hh. Ajała pracavaŭ u respublikanskim uradzie. Frankisty rasstralali baćku i brata piśmieńnika.
Paśla paražeńnia respublikancaŭ piśmieńnik emihravaŭ u Francyju, a zatym pracavaŭ u Paŭdniovaj Amierycy i ZŠA.U 1950‑ch hadach jon niekatory čas byŭ kurataram pierakładčykaŭ AAN, a zatym vykładaŭ ispanskuju litaraturu ŭ niekalkich amierykanskich univiersitetach, u tym liku ŭ Prynstanskim.
U 1976 hodzie, paśla śmierci Franka, Ajała pakinuŭ vykładčyckuju dziejnaść, viarnuŭsia na stałaje žycharstva ŭ Ispaniju i całkam pryśviaciŭ siabie litaratury i publicystycy.
Siarod prazaičnych tvoraŭ Ajały viadomyja ramany «Začaravany» (El hechizado, 1944), «Dno šklanki» (El fondo del vaso, 1962),zborniki apaviadańniaŭ, miemuary «Knihi pamiaci i zabyćcia» (Recuerdos y olvidos, 1982‑1983). Akramia taho, jon źjaŭlajecca aŭtaram litaraturnych pierakładaŭ, rabot pa sacyjałohii i teoryi pierakładu.
U 1991 hodzie Ajała atrymaŭ Premiju Siervantesa, a ŭ 1998 hodzie — litaraturnuju premiju Prynca Asturyjskaha.