U Rasii zatrymali viadomuju błohierku Alenu Blinoŭskuju
Žančynu zatrymali na miažy ź Biełaruśsiu pry sprobie vyjechać z Rasii. Joj u vinu staviać uchileńnie ad vypłaty padatkaŭ.
Alena Blinoŭskaja. Fota: jaje instahram
Błohierku Alenu Blinoŭskuju zatrymali na miažy pry sprobie pakinuć krainu, paviedamlaje RBK. U ofisie i pa miescy pražyvańnia błohierki pravodziacca pieratrusy, jaje abvinavačvajuć va ŭchileńni ad vypłaty padatkaŭ i admyvańni hrošaj.
«Pa danych śledstva, Blinoŭskaja, akazvajučy infarmacyjnyja pasłuhi z dapamohaj internetu, vykarystoŭvajučy schiemu «drabnieńnia» biznesu, zaniziła atrymanyja dachody i nie zapłaciła za pieryjad 2019-2021 hadoŭ padatak na dadanuju vartaść i padatak na dachody fizičnych asob na ahulnuju sumu zvyš 918 młn rasijskich rubloŭ (kala 12 miljonaŭ dalaraŭ). Akramia taho, u metach nadańnia bačnaści pravamiernaha vałodańnia, karystańnia i rasparadžeńnia atrymanymi hrašovymi srodkami, lehalizavała ich šlacham ździajśnieńnia finansavych apieracyj», — raskazali ŭ SK.
Kadr ź videa SK RF na miažy
Blinoŭskaja viadomaja tym, što pravodziła anłajn-treninhi dla žančyn «Marafon žadańniaŭ». Niekatoryja ličyli heta infacyhanstvam.