Na prezidencki hrant rasijskija školniki namalavali komiksy pra paviešańnie i zabojstvy

Pakarańnie śmierciu praz paviešańnie i zabojstva ŭkraincaŭ namalavali rasijskija dzieci dla konkursu komiksaŭ «Hieroi ruskich pieramoh», prafinansavanaha prezidenckim fondam.

Komiks, namalavany 15-hadovaj dziaŭčynkaj, zakančvajecca pakarańniem śmierciu praz paviešańnie

Niekalki staronak časopisa z 10 dziciačymi pracami hetaha konkursu zjavilisia ŭ sacsietkach Fondu prezidenckich hrantaŭ. Fond vydatkavaŭ na hety prajekt amal try miljony rubloŭ, zaŭvažyŭ resurs «Ahientstvo. Novosti».

Aŭtary prajekta ŭ zajaŭcy na hrant adznačali, što ciapierašniaje maładoje pakaleńnie «supraciŭlajecca abo ihnaruje sproby pryščapić joj tradycyjnyja ŭjaŭleńni ab patryjatyźmie». I z dapamohaj svajho prajekta jany raźličvali dać padletkam mahčymaść «pakazać hramadstvu svaje patryjatyčnyja pierakanańni i pieraadoleć niehatyŭnyja ŭstanoŭki». Konkurs padtrymali patryjatyčnyja arhanizacyi i ŭłady Maskoŭskaj vobłaści.

Na kadrach, apublikavanych u sacsietkach fondu, jość finał komiksa pra Zoju Kasmadziamjanskuju. Komiks, namalavany 15-hadovaj dziaŭčynkaj, zakančvajecca pakarańniem śmierciu praz paviešańnie.

Na jašče adnym kadry — finał komiksa pra vajnu va Ukrainie, dzie rasijskija vajskoŭcy sa słovami «Nielha dać ukrainskim nacystam schavacca» źniščajuć batareju harmat razam ź ludźmi.

Častku nakładu časopisa razdali dzieciam padčas cyrymonii ŭ muziei na Pakłonnaj hary, častku płanujuć pieradać u škoły i moładzievyja arhanizacyi.

Čytajcie taksama:

Hajdukievič i prapahandyst Husačenka taksama pasprabavali źniać ź siabie sankcyi ES. Ale pieršy niadaŭna sam prasiŭ jašče bolej sankcyj

Biełaruskija pamiežniki łaskava zaprasili ŭkrainskich kaleh na biełaruski boršč. Źjedlivy trolinh pamiž pahraničnikami dźviuch krain praciahvajecca VIDEA

«Chałodnaja luć u niejki momant mianie apanavała». «N.R.M.» źbiraje hrošy na dapamohu pałku Kalinoŭskaha i jedzie tudy z kancertam

Kamientary da artykuła