Uzrovień vady na pravym bierazie źnižajecca, na levym — situacyja horšaja — ukrainski bok
Uzrovień vady ŭ Kachoŭskim vadaschoviščy praciahvaje źnižacca, i na 8-ju ranicy 11 červienia ŭ rajonie Nikapala jon skłaŭ 9,35 m, jak paviedamlaje «Ukrhidraenierha».
Tak vyhladaje Kachoŭskaja HES pa stanie na 10 červienia. Fota: «Ukrhidraenierha»
Za sutki uzrovień vady źniziŭsia bolš čym na mietr, a z momantu padryvu — bolš čym na 7 mietraŭ.
Uzrovień vady ŭ Chiersonskaj vobłaści za noč źniziŭsia na 26 santymietraŭ, pra heta paviedamiŭ kiraŭnik administracyi rehijona Alaksandr Prakudzin.
Padtoplenyja 32 nasielenyja punkty i 3784 damy. Evakujavanyja 2716 čałaviek, pra heta paviedamiŭ Prakudzin.
Kamientujučy situacyju na anieksavanaj Rasijaj častcy Chiersonskaj vobłaści, Prakudzin zajaviŭ, što evakuacyju tam «pravalili»:
«Na levym bierazie takoj stanoŭčaj dynamiki niama. Źmienšyłasia dynamika spadu vady. Evakuacyja pravalenaja. Akupanty adbirajuć u ludziej łodki i sami apłyvajuć zatoplenyja damy, zabirajučy acalełuju majomaść».
Tak vyhladaje Kachoŭskaja HES pa stanie na 10 červienia. Fota: «Ukrhidraenierha»
Płacinu Kachoŭskaj HES uzarvali nočču 6 červienia. Heta pryviało da zatapleńnia šyrokich terytoryj u Chiersonskaj vobłaści, raźmieščanych nižej pa płyni Dniapra.
Čytajcie taksama:
Što nieabchodna viedać pra Kachoŭskuju HES i da čaho moža pryvieści jaje padryŭ
Kiraŭnik «Ukrhidraenierha» apisaŭ dva scenary raźvićcia padziej na Kachoŭskaj HES
Akupavanaja rasiejcami Kinburnskaja kasa całkam adrezanaja. Heta daje šaniec dla Ukrainy