Kiraŭnikoŭ MTZ i BiełAZa sudziać u Minsku za karupcyju
U Minsku pačaŭsia sud pa spravie ab karupcyi siarod kiraŭnictva MTZ i BiełAZa, pieradaje BiełTA.
Abvinavačvanymi pa spravie prachodziać siem słužbovych asob pradpryjemstvaŭ MTZ i BiełAZ, a taksama vice-staršynia rady dyrektaraŭ šviejcarskaj kampanii Swiss Trading Group AG SWITG. Im inkryminujecca atrymańnie i dača chabaru ŭ asabliva bujnym pamiery.
Pavodle materyjałaŭ spravy, Siarhiej Iokaŭ, vice-staršynia rady dyrektaraŭ švajcarskaj kampanii, abvinavačvajecca ŭ dačy chabaraŭ u asabliva bujnych pamierach.
Namieśnik hienieralnaha dyrektara MTZ Siarhiej Siracienka, namieśniki techničnaha dyrektara MTZ Siarhiej Hančaroŭ i Anatol Kandratovič, hałoŭny technołah MTZ Alaksandr Lebiedzieŭ, načalnik instrumientalnaj vytvorčaści BiełAZa Valeryj Hułakoŭ, inžynier pa instrumiencie pakupnoha biuro instrumientalnaj vytvorčaści BiełAZa Śviatłana Radzivił, hienieralny kanstruktar — načalnik navukova-techničnaha centra BiełAZa Aleh Ściapuk abvinavačvajucca ŭ atrymańni chabaraŭ u asabliva bujnych pamierach.
Pra zatrymańnie top-mieniedžaraŭ MTZ i BiełAZa stała viadoma ŭ listapadzie 2021 hoda.
Čytajcie taksama:
«Zabrali paśla narady ŭ dyrektara». Što viadoma pra zatrymańnie topaŭ na MTZ?