U Mazyry pjanyja rybałovy nie padzialili ŭłoŭnaje miesca, jość achviara
Kanflikt pjanych mazyrskich rybałovaŭ praz prykormlenaje rybnaje miesca skončyŭsia panažoŭščynaj i hibiellu adnaho ź ich, jak paviedamiŭ Śledčy kamitet.
Trahiedyja adbyłasia ŭ noč z 12 na 13 červienia kala Mazyrskaj viaślarnaj bazy na bierazie Prypiaci.
Dvoje siabroŭ, jakija vypili pierad hetym, pabačyli na raniej prykormlenym imi miescy mužčynu, raniej znajomaha im tolki vonkava. Jany pačali spračacca za vyhodnuju pazicyju — i ŭ vyniku taksama niećviarozy «zachopnik» schapiŭsia za nož.
Miesca zdareńnia. Fota: Śledčy kamitet
Ranieńnie stała śmiarotnym dla adnaho z pryjacielaŭ — 36-hadovaha mužčyny. Jahony siabar źviarnuŭsia pa dapamohu da vartaŭnika viaślarnaj bazy, jaki vyklikaŭ chutkuju i milicyju.
Nieŭzabavie pryjechali siłaviki i zatrymali napadnika. Jaho advieźli ŭ IČU. U dačynieńni da jaho raspačali kryminalnuju spravu za zamach na zabojstva dvuch čałaviek.
Čytajcie taksama:
Salihorski rybak nałaviŭ ryby na kryminalnuju spravu