Jak paviedamlaje pres-słužba Ministerstva achovy zdaroŭja, u kryvi 44-hadovaha mužčyny z Homiela vyjavili batuliničny taksin. A patrapiŭ jon u arhanizm paśla ŭžyvańnia ŭ ježu niavytrybušanaj vialenaj ryby chatniaha pryhatavańnia.
Hety mužčyna zaŭsiody vialiŭ rybu sam i ŭsio było dobra, ale hetym razam jamu nie pašancavała. A ŭvohule ž hatavaŭ rybu jon z parušeńniem pravił biaśpieki, bo abaviazkovaja ŭmova dla vialeńnia ryby ŭ chatnich umovach zaklučajecca ŭ tym, što pierad pryhatavańniem jaje treba abaviazkova vytrybušyć.
«Pry peŭnych umovach u vialenaj rybie moža raźvicca śmiarotna niebiaśpiečny batuliničny taksin, zdolny davoli chutka zabić navat mocnaha darosłaha mužčynu, — havorycca ŭ artykule sajta fishingby.com. — Vialić rybu ŭ niavytrybušanym vyhladzie ŭ chatnich umovach niedapuščalna, pry peŭnych abstavinach taki łasunak moža stać apošnim, što vy pasprabujecie ŭ žyćci».
Batulizm — heta śmiarotna niebiaśpiečnaje charčovaje atručeńnie, jakoje ŭźnikaje z-za ŭžyvańnia praduktaŭ, zaražanych pałačkami batulizmu. Taksin, jaki vypracoŭvajuć bakteryi Clostridium botulinum, vyklikaje surjoznaje paražeńnie centralnaj niervovaj sistemy.
Taki taksin ustojlivy da vysokich kancentracyj soli (da 18%), nie hinie ŭ praduktach, jakija źmiaščajuć śpiecyi. Adzinaje, što moža jaho zabić — kipiačeńnie na praciahu 20—30 chvilin.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary