Zialenski: Kali kontrnastup budzie paśpiachovym, Rasija prajhraje vajnu
Rasijskaja Fiederacyja viadzie adčajnuju baraćbu pierad abliččam kontrnastupu Ukrainy, bo kali Kreml prajhraje hetuju bitvu, to ŭrešcie prajhraje vajnu, jak zajaviŭ prezident Ukrainy Uładzimir Zialenski ŭ intervju NBC News.
Uładzimir Zialenski. Fota: Carl Court, Pool via AP
«Naš hieraičny narod, našy vojski na pieradavoj sutykajucca ź vielmi žorstkim supracivam. Tamu što dla Rasii prajhrać hetuju kampaniju Ukrainie, ja b skazaŭ, faktyčna aznačaje prajhrać vajnu», — vykazaŭsia Zialenski padčas intervju.
Uvohule, pa słovach Zialenskaha, naviny z frontu «ahułam stanoŭčyja, ale jany vielmi składanyja».
NBC News adznačaje, što zapisvała intervju z ukrainskim lidaram praź niekalki dzion paśla pačatku doŭhačakanaha kontrnastupleńnia, skiravanaha na vyciaśnieńnie rasijskich vojskaŭ z akupavanaj terytoryi Ukrainy.
Čytajcie taksama:
Hałoŭnakamandujučy armii ZŠA zajaviŭ pra pieršyja pośpiechi ŭkrainskaha kontrnastupleńnia
Na Zachadzie paćviardžajuć pośpiechi kontrnastupleńnia Ukrainy i prahnazujuć dalejšy prahres
Vialikabrytanija, Danija, Niderłandy i ZŠA sumiesna daduć Ukrainie sotni rakiet dla SPA
Kontrnastupleńnie moža akazacca vyrašalnym nie tolki dla nadziej Zialenskaha viarnuć zachoplenyja ziemli, ale i dla zachavańnia padtrymki sajuźnikaŭ, jakaja moža być asłablenaja praz składanaści na poli boju i ŭnutranaj palityki, adznačaje vydańnie.