Vialikabrytanija, Danija, Niderłandy i ZŠA sumiesna daduć Ukrainie sotni rakiet dla SPA
Ministry abarony Vialikabrytanii, Danii, Niderłandaŭ i ZŠA ŭ čaćvier abviaścili pra sumiesnaje i terminovaje nadańnie Ukrainie srodkaŭ supraćpavietranaj abarony, kab zaścierahčysia ad rasijskich napadaŭ. Pra heta havorycca ŭ sumiesnaj zajavie čatyroch ministraŭ, jakuju cytuje «Jeŭrapiejskaja praŭda».
Jak paviedamiła brytanskaje Minabarony, u ramkach sumiesnaj inicyjatyvy Ukraina atrymaje «sotni zienitnych rakiet małoj i siaredniaj dalokaści i spadarožnych sistem», pryčym ich pieradača ŭžo pačałasia i pavinna zaviaršycca praź niekalki tydniaŭ.
Hetyja rakiety nieabchodnyja «dla abarony krytyčna važnaj nacyjanalnaj infrastruktury Ukrainy i dalejšaha zabieśpiačeńnia pośpiechu kontrnastupalnych apieracyj u najbližejšyja miesiacy», jak dadajuć u Minabarony Vialikabrytanii.
U svaju čarhu, vykanaŭca abaviazkaŭ ministra abarony Danii Truls Łund Poŭlsen zajaviŭ, što jahonaja kraina płanuje pieradać dadatkovyja 21,9 miljarda kron (2,94 miljarda jeŭra) dla ŭznačalenaha Vialikabrytanijaj Mižnarodnaha fondu dla Ukrainy ciaham nastupnych niekalkich hadoŭ.
Pra sumiesnyja pastaŭki srodkaŭ SPA stała viadoma padčas trynaccataha pasiadžeńnia kantaktnaj hrupy pa pytańniach abarony Ukrainy ŭ farmacie «Ramštajn» u Brusieli.
Napiaredadni stała viadoma, što Ministerstva abarony Niderłandaŭ nabudzie čatyry radyjołakacyjnyja sistemy pasiŭnaha nazirańnia VERA-EG koštam 150 miljonaŭ jeŭra dla Ukrainy.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary