Rasijskija ŭłady admianili praviadzieńnie mižnarodnaha avijasałona MAKS-2023
Rasijskija ŭłady admianili praviadzieńnie ŭ biahučym hodzie Mižnarodnaha avijacyjna-kaśmičnaha sałona (MAKS). Brytanskaja vajskovaja raźviedka tłumačyć, čamu tak.
Fota: aviasalonmaks / Telegram
Zvyčajna MAKS pravodzicca ŭ Padmaskoŭi kožnyja dva hady i słužyć asnoŭnaj placoŭkaj demanstracyi apošnich rasijskich raspracovak u avijakaśmičnaj halinie, stabilna zabiaśpiečvajučy Maskvie abaronnyja zakazy z-za miažy.
U hetym hodzie avijasałona nie budzie. Pa płanach arhanizataraŭ, sałon adbudziecca ŭ nastupnym i 2025 hodzie.
Mahčyma, pryčynaj admieny MAKS stali mierkavańni biaśpieki paśla sieryi napadaŭ bieśpiłotnikaŭ unutry krainy, jak pišuć aŭtary dakłada. Arhanizatary sałona taksama pavinny razumieć, što ŭ hetym hodzie mnohija pastajannyja ŭdzielniki MAKS z vysokaj dolaj imaviernaści admovilisia b udzielničać u vystavie, što niepaźbiežna adbiłasia b na jaje reputacyi.
Rasijskaja avijakaśmičnaja halina mocna paciarpieła ad mižnarodnych sankcyj, uviedzienych suprać Maskvy, a hałoŭnakamandujučy Pavietrana-kaśmičnymi siłami hienierał Siarhiej Suravikin voś užo tydzień nie źjaŭlajecca na publicy paśla niaŭdałaha buntu Jaŭhiena Pryhožyna i, pavodle źviestak niekatorych vydańniaŭ, mahčyma, znachodzicca pad aryštam.
Čytajcie taksama:
Łukašenka pažadaŭ kalektyvu Nacyjanalnaha aeraporta čystaha błakitnaha nieba. Jak kažuć, jość niuans
Pieršy ŭ śviecie kamiercyjny samalot z nulavym uzroŭniem vykidaŭ moža źjavicca da 2035 hoda
U Pavietranych siłach raskazali, kolki F-16 treba Ukrainie dla pieravahi nad voraham