Naŭsieda pra vahnieraŭcaŭ u Biełarusi: Srodkaŭ u nas dastatkova
Adnak, na dumku kiraŭnika Litvy, za situacyjaj varta sačyć.
Hitanas Naŭsieda. Fota: «Naša Niva»
U adkaz na zaŭvažanuju ŭ Biełarusi kałonu vajskovaj techniki PVK «Vahnier» prezident Hitanas Naŭsieda zajaviŭ, što ŭ Litvy srodkaŭ biaśpieki dastatkova. Pavodle słoŭ kiraŭnika dziaržavy, za situacyjaj nieabchodna sačyć.
«Dziaržrada pa abaronie jašče da samitu NATA pryniała rašeńnie ab pavieličeńni sił raźviedki na ŭschodniaj miažy i zaćviardžeńni płana prykryćcia miažy. Na hety momant ich dastatkova. Niesumnienna, my budziem sačyć za situacyjaj i, kali spatrebiacca rašeńni, abaviazkova ich prymiem u samyja karotkija terminy», — zajaviŭ kiraŭnik litoŭskaj dziaržavy žurnalistam u Brusieli, jak piša Delfi.lt.
Nahadajem, što, pavodle apošniaj infarmacyi, u biełaruskim łahiery pad Asipovičami ŭžo znachodzicca kala 100 adzinak vajskovaj techniki PVK «Vahnier».
Pieramiaščeńnie rasijskich najmitaŭ užo pryviało da rezkaha pavieličeńnia kolkaści polskich vajskoŭcaŭ i palicyjantaŭ na miažy ź Biełaruśsiu.
Čytajcie taksama:
Ciapier u Biełarusi ad 500 da 700 vahnieraŭcaŭ — HUR Ukrainy