Navalnaha znoŭ sudziać, dla jaho patrabujuć 20 hadoŭ
Rasijskaha apazicyjaniera Alaksieja Navalnaha znoŭ sudziać adrazu pa šaści artykułach: ab zaklikach da ekstremizmu, stvareńni NKA, jakaja zamachvajecca na pravy hramadzian, finansavańni ekstremizmu, stvareńni ekstremisckaj supolnaści, uciahvańni niepaŭnaletnich u ździajśnieńnie niebiaśpiečnych dziejańniaŭ i reabilitacyi nacyzmu, piša «Novaja hazieta».
Pavodle hetych artykułaŭ Navalnamu pahražaje da 30 hadoŭ turmy, ale dziaržabvinavačańnie ŭžo zapatrabavała «tolki» 20. Abviaščeńnie prysudu pryznačanaje na 4 žniŭnia.
Praces adbyvajecca na vyjaznym pasiadžeńni ŭ kałonii VK-6 u pasiołku Mielechava Uładzimirskaj vobłaści ŭ zakrytym režymie. Razam z Navalnym pa hetaj spravie sudziać byłoha techničnaha dyrektara «Navalny LIVE» Daniela Chałodnaha, jaki ŭžo bolš za hod znachodzicca ŭ SIZA. Jamu abvinavačańnie zaprasiła 10 hadoŭ.
Ciapier Alaksiej Navalny adbyvaje raniej pryznačany jamu termin u 9 hadoŭ kałonii strohaha režymu.
Čytajcie taksama:
U Vilni padpalili instalacyju ŭ vyhladzie ŠIZA Navalnaha
Suprać Navalnaha zaviali kryminalnuju spravu ab teraryźmie. Jamu pahražaje pažyćciovaje źniavoleńnie