Instalacyju pastavili pazaŭčora pierad meryjaj. Jaje adkryvaŭ brat Alaksieja Navalnaha Aleh.
Samo «ŠIZA» nie vielmi paciarpieła, ale kamanda Navalnaha ŭsio roŭna źviarnułasia ŭ palicyju.
Instalacyja — heta dakładnaja kopija kamiery štrafnoha izalatara, u jakuju rehularna źmiaščajuć rasijskaha palityka Alaksieja Navalnaha, jaki adbyvaje pakarańnie ŭ kałonii ŭ Pakrovie. U Navalnaha ŭžo bolš za dziesiać nakiravańniaŭ u ŠIZA.
Aŭtar instalacyi — brat palityka Aleh Navalny, jaki pryjechaŭ u Litvu.
U kamiery jość adkidny łožak, maleńkaje akno, zakrytaje kratami, padakońnik i stary ržavy ŭmyvalnik.
Nahadajem, čto Alaksieja Navalnaha zatrymali 17 studzienia 2021 hoda, kali jon viarnuŭsia samalotam u Maskvu ź Niamieččyny, dzie prachodziŭ lačeńnie paśla atručvańnia. Pieršapačatkova jamu dali 15 sutak aryštu, ale 2 lutaha Simanaŭski sud Maskvy zamianiŭ Navalnamu ŭmoŭny termin 3 hady 6 miesiacaŭ pa spravie «Iŭ Raše» na realny z adbyvańniem u kałonii ahulnaha režymu na praciahu 2 hadoŭ i 8 miesiacaŭ.
22 sakavika 2022 hoda Lafortaŭski rajonny sud Maskvy asudziŭ Alaksieja Navalnaha da dzieviaci hadoŭ pazbaŭleńnia voli ŭ kałonii strohaha režymu nibyta za machlarstva ŭ asabliva bujnym pamiery i niepavahu da suda.
Ciapier suprać palityka vysunuty novyja abvinavačańni. Jamu pahražaje da 30 hadoŭ źniavoleńnia.
Cichanoŭski raskazaŭ, što treba było rabić u žniŭni 2020-ha62
Kamientary