Uviečary ŭdaryli pa Zaparožžy — jość achviary
U subotu ŭviečary ŭ vyniku rakietnaha ŭdaru pa Zaparožžy zahinuli mužčyna i žančyna, jašče adna žančyna paranienaja.
Fota: telehram-kanał Anatola Kurcieva
Pra huki vybuchu ŭ Zaparožžy napisała vydańnie «Suśpilnie».
Sakratar Zaparožskaj haradskoj rady Anatol Kurcieŭ paviedamiŭ, što rakieta trapiła pa adkrytaj miascovaści.
«Vybuchnoj chvalaj vybityja vokny ŭ šmatpaviarchovikach i paškodžanyja budynki adukacyjnaj ustanovy i supiermarkieta.
Na miescach razhortvajecca pałatka haradskoj rady, pačynajuć pracavać psichołahi, dabračyncy i adpaviednyja słužby», — napisaŭ jon u telehramie.
Jon ža paviedamiŭ i pra ludskija achviary.