Ukrainskija bieśpiłotniki atakavali rasijskaje patrulnaje sudna «Vasilij Bykaŭ»
Unačy 1 žniŭnia ŭkrainskija biezekipažnyja katary pasprabavali atakavać dva patrulnyja karabli Čarnamorskaha fłotu, paviedamiła Minabarony Rasii.
Sudna «Vasilij Bykaŭ». Fota ź Vikipiedyi
Bieśpiłotniki atakavali sudna «Siarhiej Kotaŭ» i «Vasilij Bykaŭ», jakija vykonvali zadačy kantrolu sudnachodstva ŭ paŭdniova-zachodniaj častcy Čornaha mora, za 340 km na paŭdniovy zachad ad Sievastopala.
«Padčas adbićcia ataki ŭsie try biezekipažnyja katary praciŭnika źniščanyja ahniom sa štatnaha ŭzbrajeńnia rasijskich karabloŭ. Karabli «Siarhiej Kotaŭ» i «Vasilij Bykaŭ» Čarnamorskaha fłotu praciahvajuć vykonvać pastaŭlenyja zadačy», — paviedamili ŭ Minabarony Rasii.
Sudna «Vasilij Bykaŭ» nazvana nie ŭ honar słavutaha biełaruskaha piśmieńnika, a ŭ honar savieckaha marskoha aficera, a ŭ budučym kontradmirała, Hieroja Savieckaha Sajuza Vasilija Ivanaviča Bykava (1920—1999).