Eliz-Safije, Iłaryja-Mirasłava, Evan-Lavon, Leŭ-Teador. Jakimi imionami nazyvali minčuki dziaciej u pieršym paŭhodździ
Bolšaść baćkoŭ u stalicy ličać za lepšaje davać novanarodžanym tradycyjnyja imiony. Tak, u pieršym paŭhodździ 2023-ha dziaŭčatak čaściej za ŭsio nazyvali Safijami i Jevami, a chłopčykaŭ — Michaiłami i Markami.
Fota: «Naša Niva»
Pa słovach načalnika adździeła nataryjata, ZAHSaŭ i licenzijataŭ u śfiery jurydyčnych pasłuh Hałoŭnaha ŭpraŭleńnia justycyi Minharvykankama Julii Michałap, imia Safija daŭno na piku papularnaści, pišuć Minsk-naviny.
Sioleta ŭ Minsku na śviet źjavilisia 177 maleńkich Safij. Na druhim miescy imia Jeva. Dalej simpatyi raźmierkavalisia tak:
- Hanna (148);
- Maryja (118);
- Alisa (116).
Piaciorka samych zapatrabavanych mužčynskich imionaŭ vyhladaje nastupnym čynam:
- Michaił (205);
- Mark (171);
- Maćviej (150);
- Raman (145);
- Maksim (140).
Jak adznačaje ekśpiert, u pašanie ŭ baćkoŭ byli taksama redkija imiony — Piełahieja, Milisa, Zaryna, Ina, Arsiencij, Juljan, Fama, Kuźma.
— Dziciaci možna dać nie bolš za dva imiony, pry hetym pieršym pakazvajecca asnoŭnaje imia, — nahadała Julija Michałap. — Hałoŭny kryter pry hetym — zachavańnie normaŭ hramadskaj marali.
U hetym paŭhodździ siarod padvojnych imionaŭ sustrakalisia— — Aleś-Jelisiej, Leŭ-Lavon, Leŭ-Teador, Evan-Lavon, a taksama Iłaryja-Mirasłava, Maryja-Jeva, Mija-Maryja, Eliz-Safije.
Darečy, za šeść miesiacaŭ chłopčykaŭ u stalicy naradziłasia bolš, čym dziaŭčynak: 3716 suprać 3 377.