Va Ukrainie vystavili abvinavačańni piaciarym supracoŭnikam DSNS pa spravie ab hibieli kiraŭnictva MUS u avijakatastrofie
Paviedamlajecca, što słužbovyja asoby Dziaržaŭnaj słužby nadzvyčajnych situacyj dapuścili parušeńni pravił biaśpieki ruchu i ekspłuatacyi pavietranaha transpartu i nie paviedamili kamandziru ekipaža pra niespryjalnyja ŭmovy nadvorja.
Śćviardžajecca, što viertalot, u jakim zahinuŭ ministr unutranych spraŭ Dzianis Manastyrski, nie mieŭ dakumientaŭ na vykanańnie palotaŭ, nie źviazanych z reahavańniem na nadzvyčajnyja situacyi.
Praz składanyja ŭmovy nadvorja ekipaž vykonvaŭ palot na vielmi nizkaj vyšyni — nižejšaj za vyšyniu budynkaŭ na maršrucie. Pry sprobie ablacieć pieraškody kamandzir straciŭ aryjenciroŭku ŭ prastory i dapuściŭ sutyknieńnie ź ziamloj. Pry padzieńni viertalot paškodziŭ dziciačy sad, susiednija budynki i pryparkavanyja aŭto.
Akramia vysokapastaŭlenych čynoŭnikaŭ MUS, 18 studzienia ŭ avijakatastrofie ŭ Bravarach pad Kijevam zahinuli čatyry žančyny i małaletniaje dzicia.
Čytajcie taksama:
Padzieńnie viertalota z kiraŭnictvam MUS pad Kijevam: viersija dyviersii nie paćvierdziłasia