Na volu vyjšła dvoje asudžanych pa «spravie karahodu»
Abodva adbyli pa dva hady «chimii».
Radzivon Kandraciuk, Viktar Łabko
U kancy lipienia abo pačatku žniŭnia vyzvalilisia palitźniavolenyja Radzivon Kandraciuk i Viktar Łabko. Abodva byli asudžanyja ŭ miežach tak zvanaj «karahodnaj spravy» da dvuch hadoŭ «chimii» (abmiežavańnie voli z nakiravańniem u papraŭčuju ŭstanovu adkrytaha typu), piša «Bresckaja viasna».
Radzivon da zatrymańnia navučaŭsia ŭ kaledžy. Adbyvaŭ termin u asipovickaj PUAT №48.
Viktar Łabko adbyvaŭ termin u škłoŭskaj PUAT №49.
Što takoje «karahodnaja sprava»?
«Karahodnaja sprava» — adna z samych masavych represiŭnych kryminalnych spraŭ paśla pratestaŭ 2020 hoda ŭ Biełarusi. Za ŭdzieł u akcyi pratestu, jakaja prachodziła 13 vieraśnia 2020 u Bieraści, dajuć pakarańni ad «chatniaj chimii» da kałonii. Na hety momant asudžana ŭžo 132 čałavieki.
«Karahodnaj» spravu prazvali ŭ narodzie (a zatym i ŭ miedyja) praz toje, jak prachodziła taja pratesnaja akcyja: ludzi spynialisia na skryžavańni vulic dy vadzili karahod pad pieśni z kałonki, pakul ich nie razahnali vadamiotam.