Šaścihadovuju ŭkrainku, jakoj pierasadzili serca zahinułaha chłopčyka, vypisali z balnicy
Baćki Jury dali dazvoł na paśmiarotnaje donarstva serca i inšych orhanaŭ syna, dziakujučy čamu ŭdałosia vyratavać traich dziaciej.
Sałamija. Fota: Ukrainskaja praŭda
6-hadovuju Sałamiju, jakoj upieršyniu va Ukrainie pierasadzili serca ad pamierłaha chłopčyka, vypisali z balnicy. Pra heta paviedamiŭ ministr achovy zdaroŭja Ukrainy Viktar Laško, piša «Ukrainskaja praŭda».
Donaram dla Sałamii staŭ 4-hadovy chłopčyk Jura, jakomu daktary kanstatavali śmierć mozha praz anieŭryzmu. Baćki Jury dali dazvoł na paśmiarotnaje donarstva serca i inšych orhanaŭ syna, dziakujučy čamu ŭdałosia vyratavać traich dziaciej. Apieracyju Sałamii vykanali ŭ Instytucie serca MAZ Ukrainy.
Donaram dla Sałamii staŭ 4-hadovy chłopčyk Jura, jakomu daktary kanstatavali śmierć mozha praz anieŭryzmu. Fota: Ukrainskaja praŭda
«Ja chaču padziakavać baćkam Jury, jakija niahledziačy na ciažkuju stratu, prademanstravali nam usim prykład taho, jak navat u samyja ciomnyja časy možna rabić dobryja spravy — vyratavanaje žyćcio troch dzietak», — skazaŭ Viktar Laško.
Baćki Jury dali dazvoł na paśmiarotnaje donarstva serca i inšych orhanaŭ syna. Fota: Ukrainskaja praŭda
Razam z Sałamijaj sa špitala vypisali i 17-hadovuju Julijanu, jakaja pieraniesła transpłantacyju serca na dzień raniej za Sałamijku ŭ Lvovie.
Maci Jury słuchaje, jak jaho serca bjecca ŭ hrudziach Sałamii