Pryjšoŭ Spas — pajšło leta ad nas
Siońnia ŭ pravasłaŭnych, jakija trymajucca julijanskaha kalendara, — treci Spas, abo Pałatniany Spas, Chlebny, Arechavy.
Pravasłaŭnaja carkva adznačaje ŭ hety dzień śviata ŭ honar pieraniasieńnia ŭ Kanstancinopal Nierukatvornaha vobraza Isusa Chrysta ŭ 944 hodzie.
U narodzie Pałatnianym jaho nazyvajuć tamu, što ŭ hety dzień adbyvalisia kirmašy i handlavali pałatnom.
U mnohich miaścinach u hety dzień spraŭlali dažynki, kazali: «Treci Spas — chleba prypas». U hety dzień abo kala jaho sialanie rabili dasieŭki, h. zn. siejali azimaje žyta.
Da hetaha dnia paśpiavali arechi i pačynaŭsia ich zbor.
Adlatali apošnija łastaŭki. Leta skančajecca.