Biełarusy niečakana akazalisia ŭ lidarach pa pracentach uchvalenych šenhienskich viz

Partał SchengenVisaInfo zrabiŭ cikavuju analityku pa ŭchvaleńni šenhienskich viz na dušu nasielnictva, a taksama jašče raz akcentavaŭ uvahu na pracencie admoŭ u ich — i Biełaruś pa apošnim pakazčyku apynułasia ŭ lidarach z pazityŭnaha boku, piša telehram-kanał «Sobiraj riukzak».

U Biełarusi admovu ŭ šenhienskaj vizie letaś atrymali ŭsiaho 1,9% zajaŭnikaŭ. Heta 2292 sa 120 893 padadzienych zajaŭ.

Dla paraŭnańnia — u Rasii admovili 10% z usich aplikantaŭ, 4,9% — u Kuviejcie, 8,1% — u Kazachstanie, 12,7% — u Armienii, 15,5% — u Turcyi, 16,2% — va Uźbiekistanie, 18% — u Indyi.

Jość i lepšyja pakazčyki, čym u Biełarusi, naprykład, u takich krainach, jak Salvador, Nikarahua, Paŭdniovy Sudan, Livija, Hvatemała. Tam pracent admovaŭ varjirujecca ad 0 da 1,4%, ale kolkaść padadzienych zajaŭ usiaho ad 2 da 278 čałaviek.

Pry hetym pry padliku vydačy viz na dušu nasielnictva ŭchvaleńnie atrymaŭ kožny 80-y biełarus. Lidaram u hetym pakazčyku staŭ Kuviejt — kožny 31-y zajaŭnik z hetaj krainy atrymaŭ vizu.

Čytajcie taksama:

«Viasielle sarvałasia, zamiest pajezdki na mora ja pajšła ŭ milicyju». Biełarusy zapisvajucca na vizy i miesiacami nie mohuć dačakacca pašpartoŭ

Ci prosta zrabić ispanskuju vizu ŭ Minsku i na kolki jaje vydajuć

«Epocha haračych turaŭ skončyłasia». U turahienctvach raskazali, dzie sioleta adpačyvajuć biełarusy i za jakija hrošy

«Dobry varyjant palacieć na Kipr — nabyć kvitok ad 70 da 100 jeŭra». Jak pravieści adpačynak na Mižziemnym mory i nie pajści z torbaj

Kamientary da artykuła