U Łatvii mužčyna žorstka źbiŭ sabaku, jaki siadzieŭ na łancuhu. Jamu dali maksimalny štraf — 2000 jeŭra
Materyjały spravy inśpiektaram pieradała Dziaržpalicyja, jakuju, u svaju čarhu, vyklikała ŭładalnica sabaki.
Fota: «Naša Niva»
Charčova-vieterynarnaja słužba Łatvii aštrafavała mužčynu za žorstkaje abychodžańnie z sabakam. Mužčyna, znachodziačysia ŭ stanie ałkaholnaha apjanieńnia, źbiŭ pakinutaha na łancuhu sabaku, piša Delfi.lv.
Materyjały spravy inśpiektaram pieradała Dziaržpalicyja, jakuju, u svaju čarhu, vyklikała ŭładalnica sabaki.
Pavodle jaje słoŭ, dvoje čałaviek, adzin ź ich padletak, raśpivajučy ałkahol, vyrašyli źbić sabaku, jaki siadzieŭ niepadalok ad ich. Spačatku žyviołu dubinaj biŭ darosły, a zatym dałučyŭsia padletak.
Na padstavie atrymanaj ad palicyi infarmacyi Charčova-vieterynarnaja słužba pačała administracyjny praces za žorstkaje abychodžańnie z žyviołaj. Bieručy pad uvahu ŭsie abstaviny, u tym liku i abciažarvalnyja, było vyniesiena rašeńnie prymianić da vinavataha maksimalny hrašovy štraf — 2000 jeŭra.
Materyjały spravy, pačataj u dačynieńni da niepaŭnaletniaha, pieradadzienyja na razhlad krajovaj administracyjnaj kamisii.
Pa danych vieterynarnaj słužby, za šeść miesiacaŭ 2023 hoda było atrymana bolš za 400 skarhaŭ na parušeńni ŭmoŭ utrymańnia žyvioł abo na žorstkaje abychodžańnie z žyviołami. Amal u pałovie vypadkaŭ parušeńni paćvierdzilisia.
Čytajcie taksama:
U Biełarusi možna zastrachavać chatniaha hadavanca. Trenirujemsia na kotcy
Nie spadabaŭsia brech: mužčyna streliŭ ź pistaleta ŭ sabaku, a potym u jaho haspadara