U Biełarusi možna zastrachavać chatniaha hadavanca. Trenirujemsia na kotcy

Dla pačatku treba zrazumieć, u jakim adździaleńni vam akažuć pasłuhu. Možna patelefanavać na haračuju liniju banka pa numary 147, spytać anłajn-kansultanta abo skarystacca pošukam na sajcie (u hrafie «pasłuha» napisać «dobraachvotnaje kompleksnaje strachavańnie chatnich žyvioł i źviazanych ź imi vydatkaŭ «z kłopatam pra hadavanca»).

Vybirajcie najbližejšaje adździaleńnie, biarycie z saboj pašpart i dakumienty na žyviołu — niešta z hetaha pieraliku: vieterynarny pašpart, siertyfikat ab pachodžańni, mikračyp albo vytatujavany rehistracyjny numar. Biez dakumienta hadavanca aformić strachoŭku nie atrymajecca, tak što niepryščeplenyja ŭ pralocie.

Dalej vas čakaje nievialikaje apytańnie, kab pierakanacca, ci nie chvareje vaš hadavaniec na momant strachavańnia. Uzrost chatniaj žyvioły pavinien być ad 3 miesiacaŭ da 12 hadoŭ. Supracoŭnik banka taksama ŭdakładnić imia hadavanca, jaho parodu, afarboŭku i datu naradžeńnia. Usia pracedura zajmaje kala 10 chvilin, zastaniecca tolki padpisać damovu.

Pavialičyć

Znajomciesia: Mielisa. Mienavita hetuju kotku zastrachavali, ale jana pra heta navat nie zdahadvajecca, bo ŭ adździaleńnie hadavancaŭ brać nie treba.

Strachavaja suma pa damovie vyznačajecca ŭ pamiery 1000 i 3000 rubloŭ, ź jakich 50 rubloŭ praduhledžana na vyšuk, 50 — na transparciroŭku, 120 — na lačebnaje charčavańnie, jašče 120 — na pachavańnie.

Strachoŭka dziejničaje va ŭsim śviecie.

Kali vašamu katu stanie błaha za miažoj, strachavaja kampiensuje da $100.

Minimalny ŭniosak dla katoŭ i kotak składzie 150 rubloŭ (strachavaja suma — 1000 rubloŭ), maksimalny — 450 (strachavaja suma — 3000). Sabaku zastrachavać budzie krychu daražej: 180 i 540 rubloŭ adpaviedna.

Što jašče kampiensujuć?

• Kansultacyi ŭ vieterynara, apieracyi i daśledavańni typu analizaŭ, UHD i MRT.
• Vydatki pa transparciroŭcy hadavanca ŭ vietkliniku i ź jaje.
• Traty na preparaty i lačebnaje charčavańnie, pryznačanaje doktaram.
• Vydatki na vyšuk chatniaha hadavanca, a taksama pachavańnie i eŭtanaziju.
• Kali zastrachavany sabaka ŭkusić minaka i sud abaviaža vas vypłacić kampiensacyju, strachoŭka dapamoža i tut.

Pavialičyć

Nie paźniej čym praz try dni paśla pačatku chvaroby ci nastupleńnia inšaha strachavoha vypadku treba źviarnucca ŭ «Pramtransinviest» ź piśmovaj zajavaj ab vypłacie strachavoj kampiensacyi. Usie čeki, zaklučeńni, daviedki i recepty, vydadzienyja vieterynaram, niasiem siudy ž. Na praciahu piaci dzion vam daduć adkaz, ci źjaŭlajecca zdaryŭsia incydent strachavym vypadkam, i vypłaciać hrošy.

U pryncypie, usio. Ciapier nie treba budzie mianiać dalary ci załazić u padušku, kali hadavancu stała drenna. U samim banku raspaviali, što pasłuhaj hramadzianie cikaviacca, ale masavaści źjava strachavańnia žyvioł pakul nie zdabyła.

• 1
• 0
• 1
• 0
• 2
• 0
• 2
• 0