«Mis Biełaruś — 2023» nie zmahła adkazać, chto napisaŭ «Paŭlinku»
Eleanory Kačałoŭskaj, jakaja pieramahła ŭ konkursie, 23 hady, jana — mieniedžar u madelnym ahienctvie ŭ Nacyjanalnaj škole pryhažości.
Eleanora Kačałoŭskaja. Fota: BiełTA
Za pieramohu ŭ konkursie Eleanora atrymała hrašovy pryz i padarunki — juvielirnaje ŭpryhožańnie, aŭtamabil Geely i zbor tvoraŭ Janki Kupały.
Knihi stali pryjemnym siurpryzam ad Mininfarma. U čas finału dziaŭčatam zadavali pytańni viadomyja biełaruskija žančyny.
Eleanory treba było adkazać na pytańnie artystki Teatra imia Janki Kupały ab tym, chto aŭtar «Paŭlinki», ale dziaŭčyna razhubiłasia, piša «Sputnik».
Paśla novaja «Mis Biełarusi» paabiacała, što abaviazkova pračytaje pjesu i pryjdzie na «Paŭlinku» ŭ Kupałaŭski.
Taksama dziaŭčyna adznačyła, što adčuvaje vialikaje pačućcio padziaki da svajoj krainy, i asabista padziakavała Łukašenku.
«Alaksandr Ryhoravič, dziakuj, što vy dajacie takim prostym dziaŭčatam mahčymaść akazacca ŭ hetaj kazcy», — skazała Eleanora.
Kali Łukašenka 19 lutaha 2021 hoda naviedaŭ budynak Kupałaŭskaha, jamu pakazali mienavita «Paŭlinku». A Volha Niafiodava, budučy mastacki kiraŭnik teatra, navat raspłakałasia. Fota: «Puł pieršaha»
Za tytuł «Mis Biełaruś» u finale zmahalisia 24 dziaŭčyny.
Čytajcie taksama:
Pad nahladam Alaksandra Łukašenki vybrali «Mis Biełaruś — 2023»