Mnohija adukacyjnyja ŭstanovy Estonii siońnia atrymali padazrony list na ruskaj movie z pahrozaj vybuchu
Nibyta vybuch pavinien adbycca ŭ 10:40.
Kala 2:30 nočy ŭ mnohija navučalnyja ŭstanovy pryjšoŭ elektronny list, u jakim na ruskaj movie havaryłasia, što siońnia ŭ 10:40 va ŭstanovie adbudziecca vybuch, paviedamlaje Delfi.ee.
Dyrektar adnoj škoły Jule Pasa pračytała list ranicaj, źviazałasia z centram tryvohi i pieradała list u palicyju.
«Palicyja dała dyrektaru prava vyrašać, adkryjucca škoła i dziciačy sad ci nie. Choć ja amal upeŭnienaja, što heta spam, my ź piedahohami vyrašyli siońnia zakryć dziciačy sad», — paviedamiła jana baćkam u piśmovym vyhladzie.
Pasa dała zrazumieć Delfi, što bolš razumna pieraacanić niebiaśpieku. Jana paviedamiła, što list napisany na ruskaj movie, a aŭtaram nazvanaja rasiejskaja terarystyčnaja arhanizacyja. Jana dadała, što list pryjšoŭ z adrasa Gmail i ŭ jakaści atrymalnikaŭ było paznačana mnostva ŭstanoŭ.
Čytajcie taksama: