U aeraporcie Vilni złavili hramadzianina Łatvii ź dźviuma valizkami biełaruskaj kantrabandy
Maŭlaŭ, vioz cyharety sabie, kab tańniej było palić.
Fota: staronka litoŭskaj mytni ŭ fejsbuku
Pavodle infarmacyi Dziaržaŭnaj mytnaj słužby Litvy, na minułym tydni ŭ aeraporcie Vilni byŭ zatrymany hramadzianin Łatvii, jaki padazrajecca ŭ kantrabandzie, piša Delfi.lt.
U łatvijca, jaki pierasiakaŭ miažu pa «zialonym» kalidory i prybyŭ ź Biełarusi praz Turcyju i Niamieččynu, mytniki spytali, ci nie maje jon z saboj ničoha zabaronienaha. Pasažyr adkazaŭ, što ŭ jaho bahažy niama zabaronienych pradmietaŭ. Adnak padčas pravierki bahažu pry dapamozie skaniera mytniki kanstatavali, što dźvie vialikija valizki nabityja cyharetami.
Fota: staronka litoŭskaj mytni ŭ fejsbuku
Padčas detalovaha nadhladu ŭ valizkach było vyjaŭlena 2578 pačkaŭ cyharet NZ Black Power i Parliament Aqua Blue ź biełaruskaj markiroŭkaj. Košt kantrabandnych cyharet (uklučajučy padatki) składaje 10 678 jeŭra. Łatvijec, jaki nazvaŭsia biespracoŭnym, pryznaŭsia, što pieravoziŭ cyharety dla siabie, «palić było tańniej».
Mytnia pačała dasudovaje rasśledavańnie, parušalnik byŭ dapytany, a zatym adpuščany, atrymaŭšy ŭ jakaści miery strymańnia padpisku ab niavyjeździe.
Čytajcie taksama:
Litoŭskija mytniki zatrymali na miažy amal miljon pačkaŭ kantrabandnych biełaruskich cyharet