MARH rychtuje źmieny ŭ anłajn-handli. Prajekt vyniesieny na abmierkavańnie
MARH vyniesła na abmierkavańnie prajekt, jaki tyčycca intenet-handlu. Siarod inšaha jon praduhledžvaje dazvoł vyklučna bieznajaŭnaj apłaty tavaraŭ.
Prajekt zakona Respubliki Biełaruś «Ab źmienie Zakona Respubliki Biełaruś «Ab abaronie pravoŭ spažyŭcoŭ», raspracavany Ministerstvam antymanapolnaha rehulavańnia i handlu, vyniesieny na hramadskaje abmierkavańnie na Pravavym forumie z 31 kastryčnika pa 10 listapada 2023 hoda.
U pryvatnaści, prajekt zakona praduhledžvaje źmianieńni, zhodna ź jakimi patrabavańnie ab nadańni spažyŭcu prava vybaru formy apłaty (najaŭnaja abo bieznajaŭnaja) nie raspaŭsiudžvajecca na vypadki, kali prodaž tavaraŭ ažyćciaŭlajecca z vykarystańniem internetu i pradaviec pryniaŭ rašeńnie ab ažyćciaŭleńni raźlikaŭ za tavary tolki ŭ bieznajaŭnaj formie.
«Va ŭmovach aktyŭnaha raźvićcia internet-handlu i ŭkaranieńnia ŭ hety siehmient rynku ličbavych technałohij ujaŭlajecca metazhodnaj transfarmacyja adnosin, źviazanych z formaj apłaty tavaraŭ, jakija nabyvajucca spažyŭcami praź internet, u suviazi z čym u prajekcie zakona praduhledžvajecca norma, jakaja dazvalaje pradaŭcam ažyćciaŭlać raźliki sa spažyŭcami tolki ŭ bieznajaŭnaj formie pry prodažy tavaraŭ z vykarystańniem internetu», — havorycca ŭ abhruntavańni hetaj normy.
Taksama ŭ abhruntavańni adznačajecca, što prapanavany padychod zjaŭlajecca sacyjalna apraŭdanym, uličvaje śpiecyfiku ažyćciaŭleńnia internet-handlu, a taksama budzie sadziejničać pavieličeńniu doli bieznajaŭnych raźlikaŭ, źmianšeńniu doli niaŭličanych u pradprymalnickaj dziejnaści płaciažoŭ.
Ciapier pry realizacyi tavaraŭ internet-kramy pavinny prapanavać najaŭny i bieznajaŭny sposab apłaty.
Čytajcie taksama:
Biełaruskaja dyzajnierka adkryła ŭ Varšavie tvorčuju prastoru — «Dom Busłoŭ»
IT-siektar pakinuŭ top samych rentabielnych halin u Biełarusi
Hod tamu ŭ Biełarusi zabaranili rost cen. Jak ceny z taho času źmianilisia?