Nadzvyčajnaje zdareńnie na «Viciebskdrevie». 35 čałaviek evakujavali, adzin rabotnik u ciažkim stanie
Siońnia ŭ cechu MDF pradpryjemstva «Viciebskdreŭ» adbyłasia ŭspyška pyłapavietranaj sumiesi z nastupnym hareńniem. U vyniku byli paškodžanyja 250 kvadratnych mietraŭ ścienavych sendvič-panelaŭ zvonku cecha.
Skrynšot videa MNS
35 čałaviek pakinuli cech samastojna ŭ vyniku spracoŭki sistemy apaviaščeńnia, paviedamlaje MNS.
49-hadovy rabotnik byŭ traŭmavany žaleznaj armaturaj, ratavalniki jaho debłakavali, paśla čaho pieradali miedykam.
Mužčynu dastavili ŭ Viciebskuju abłasnuju kliničnuju balnicu ŭ ciažkim stanie z adkrytaj pranikalnaj čerapna-mazhavoj traŭmaj, paškodžańniami kaściej tvara, šmatlikimi ranami tvara.
Zaraz jon znachodzicca ŭ apieracyjnaj.