U Słaŭharadskim rajonie mužčyna padčas svarki zastreliŭ čałavieka, uciok u les, a potym zabiŭ siabie — MUS
Učora, 11 listapada, kala piaci viečara ŭ milicyju Słaŭharada pastupiła paviedamleńnie, što ŭ vioscy Małaja Zimnica nieviadomy streliŭ u čałavieka i sa zbrojaj uciok u les.
Pavodle MUS, u kampanii, jakaja adpačyvała la voziera, uźnikła svarka ź nieviadomym mužčynam. U vyniku nieviadomy streliŭ u 31-hadovaha mužčynu, toj zahinuŭ na miescy. Strałok źbieh ŭ les.
Asobu strałka apieratyŭna ŭstanavili — im akazaŭsia 66-hadovy raniej sudzimy miascovy žychar.
Da jaho pošukaŭ padklučyli milicyjantaŭ z susiednich rajonaŭ i vajskoŭcaŭ.
Jak paviedamlaje MUS, mužčynu zabłakavali ŭ lesapałasie, jon skončyŭ žyćcio samahubstvam.
Na miescy zdareńnia pracuje śledča-apieratyŭnaja hrupa.